دكندهار ولايت د افغانستان يو له هغو ولايتونو څخه دي چي د ښووني او روزني په وړاندي يي ډيري ننګووني پرتي دي

د كندهار ولايت د ډيرو ښوونځيو ښوونكي او زده كوونكي په ښوونځيو كي د درسي كتابونو او نورو درسي توكو د نشتوالي څخه سرټكوي او وايي چي يو ښوونيز كال او سمهال ترنيمايي هم ډير اوښتي خو ولي دوي بيا هم درسي توكي نه لري د كندهار ښار د كوكرانو په سميه كي دغازي امير امان الله خان ښوونځي هم يوه له هغه ښوونځيو څخه ده چي ښوونكي او زده كوونكي يي د درسي توكو او ددرسي ټولګيو د نه شتون څخه شكايت كوي او وايي چي ديارلس سوه اته اتيا ښوونيز كال څلور نيم مياشتني ازمويني هم پاي ته رسيدلي خو ولي دوي بيا درسي توكي او د زده كوونكو لپاره درسي ټولګي نه لري نوموړو دا هم وويل چي د ښار څخه د ليرو پرتوسيمو ښوونځيو ته په همهغه ډول پاملرنه نه كيږي كوم چي د كندهار ښار مركزي ښوونځيو ته كيږي

د كندهار ولايت د پوهني رياست سر پرست رئيس نجيب الله احمدي بيا وايي چي نه يوازي د كندهار ښار څخه په ليرو پرتو سيمو كي ښوونكي او زده كوونكي د درسي توكو د نه شتون سره مخامخ دي بلكي د كندهار ښار مركزي ښوونځي هم دي ته ورته ستونزو سره لاس او ګريوان دي

همدارنګه نوموړي رسنيوته په خبرو كي وويل چي د پوهني وزارت د نورو حوزو په سطحه سهيلي حوزي ته خاصه پاملرنه نه كوي او زموږ ښوونځي تر اوسه درسي كتابونه نه لري او د پوهني وزارت د دوي سره دا وعده كړي چي په ديارلسوه نهه اتيايم كال د جوزا پر پنځلسمه نيټه به موږ ته درسي كتابونه ورسوي په داسي حال كي چي هغه وخت به زموږ يو ښوونيز كال پاي ته رسيدلي وي 

پاته دي نه وي چي له يوي خواپه كندهارښار كي د ښوونځيو زده كوونكي او ښوونكي د درسي توكو او د درسي ټولګيو د نه شتون څخه سر ټكوي بل خوا د كندهارولايت  په ډيرو لېرو پرتو سميو كي ډير شميرښوونځي د زده كوونكو پر مخ تړل سوي دي او زده كوونكي ښوووني او روزني ته لاس رسي نه لري

دا په داسي حال كي ده چي څو ورځي وړاندي هم د ښووني او روزني د بهير د پياوړتيا او د كندهار ولايت كي د تړل سو ښوونځيو د بيرته پرانيستلو په اړه د كندهار والي پوهنوال ډاكتر توريالي ويسا په مشري په ولايت مقام كي غونډه جوړه سوي وه او د ښووني او روزني په وړاندي د سته ستونزو لازمي سلا مشوري او پري كړي وكړي