د برتانيې صدراعظم ګورډن براون وايي نړۍ د امريکا په مشرۍ د تروريزم خلاف مبارزه کي د امريکې پوروړې ده.

نوموړي دغه څرګندوني د يکشنبې په ماښام په واشنګټن کي له جمهور رئيس بوش سره د ليدني پر وخت وکړې.

دا لومړى ځل دئ چي ګورډن براون په برتانيه کي د واک له ترلاسه کولو وروسته امريکا ته په سفر ځي.

ټاکل سوې ده چي نن به د دواړو مشرانو په دوهمه ناسته کي د برتانيې د بهرنيو چارو وزير ډيويډ مليبينډ او د هغه امريکايي سياله مېرمن کاندوليزا رايس هم موجود وي.

  دوى به د عراق، افغانستان، اېران، دارفور، کاسوو پر سياسي حالاتو او پر نړيوالو تجارتي او اقليمي موضوعاتو بحث وکړي.

عمر واحديار

 دخپریدو نیټه ٧٨ / ١ / ٦٢١  هـ ل  | 2007-07-30  ز                          

له بینوا ويبپاڼې څخه په مننه