جنګيالي له عراق څخه افغانستان ته اوړي

2008-07-25 10:53:49

موضوع : د آفغانستان سرحدي سيمو ته له عراق څخه سخت دريځي راځي سرچينه : اسوشېټېډ پرس ژباړه : صالح اډېټر : عصمت څاروان نېټه : 20/07/2008 په عراق کې يوه امريکايي جنرال ويلي دي، د القاعدې مشرتابه له عراق څخه افغانستان ته نژدې سرحدي سيمو ته جنګيالي لېږي، چې هلته امنيت ګډوډ کړي. دغه جنرال ويلي د دوى استخباراتي معلومات ښيي چې د دغو جنګياليو په کمېدو سره په عراق کې وضعيت تر پخوا لږ ښه شوى دى، د اسوشېټېډ پرېس خبري اژانس د راپور لنډيز دلته لولئ

د پاکستان راتلونکى به څنګه وي؟

2008-07-25 10:52:35

راروانه اوونۍ به د پاکستان صدراعظم يوسف رضا ګېلاني امريکا ته سفر وکړي، امريکا اندېښنه لري چې په قبايلي سيمو کې د سخت دريځو فعاليتونه زيات شوي، ځينې پاکستانيان وايي ښايي غربي ځواکونه د پاکستان په خاوره کې پوځي عمليات پيل کړي، رويټرز خبري اژانس راپور لري چې دلته يې لنډيز لولئ

کامبخش تر شپږو مياشتو وروسته بيا هم په تياره کې

2008-07-25 10:50:47

افغان خبريال چې په مرګ محکوم دى، تر شپږو مياشتو وروسته بيا هم د خپل سرنوشت انتظار باسي، پرون د بې پولې خبريالانو ټولنې د ٢٣کلن افغان خبريال پروېز کامبخش د خوشې کولو غوښتنه وکړه، هغه په بلخ ولايت کې د جهان نو په نامه يوه خپرونه چلوله، چې اسلام ته د سپکاوي په تور شپږ مياشتې مخکې په مرګ محکوم شو. د بې پولې خبريالانو د ټولنې د راپور لنډيز دلته لولئ

د اتو صنعتي هېوادونو تر څنګ، اتو اسلامي هېوادونو هم غونډه وکړه

2008-07-09 10:36:18

اتو اسلامي هېوادونو، د تجارتي همکاريو لس کلن پلان تصويب کړ، چې د خوراکي موادو توليد به نور هم پياوړى کړي. د دې غونډې کوربانه ماليزيا او انډونيزيا دي. اتو مخ په وده اسلامي هېوادونو پرېکړه وکړه چې د غذايي موادو د زيات توليد لپاره به ګډ شرکتونه منځته راوړي او د دې موادو تجارت ته به پراختيا ورکړي. دوى د ايران د اټومي پروګرام ملاتړ کړى دى، د فرانسې خبري اژانس لنډيز دلته لولئ

په يوه اوونۍ کې ٢٥٠ ملکيان مړه او ټپيان دي

2008-07-09 10:35:15

د فرانسې خبري اژانس د راپور په حواله، په تېره يووه اوونۍ کې په افغانستان کې د هوايي بمباريو او وسلوالو بريدونو په نتيجه کې لږ تر لږه ٢٥٠ تنه ملکي خلک مړه او زخميان شوي دي، دا خبره د نړيوال سره صليب کمېټې کړې ده، صالح محمد صالح د فرانسې اژانس د راپور لنډيز رااخيستى دى

پروېز مشرف:: زه پاکستان نه پرېږدم

2008-07-06 12:40:21

د پاکستان ولسمشر پروېز مشرف ټينګار کوي چې د دې هېواد غښتلى پوځ يې اوس هم ملاتړ کوي، خو نوموړى وايي که چېرې يې د هېواد ټولې ستونزې حل واى، دى به هم له دندې شاته کېداى.

د هلمند موسى کلا ولسوالي

2008-07-06 12:38:53

د هلمند موسى کلا ولسوالي چې شا و خوا يې اوس هم ګڼ وسلوال طالبان فعال دي، د هلمند هغه سيمه ده چې ډېرې جګړې په کې شوي دي، دوې بهرنۍ خبريالانې دې ولسوالۍ ته ورغلي له اوسني ولسوال سره يې کتلي، ولسوال څه ورته ويلي؟ صالح محمد صالح يې مهم ټکي يې رااخيستي دي

د سوريې او اسرائيل ترمنځ د غيرمستقيم خبرو د درېيم پړاو

2008-07-06 12:36:57

د سوريې او اسرائيل ترمنځ د غيرمستقيم خبرو د درېيم پړاو تر بشپړېدو وروسته چې د پنج شنبې په ورځ په استانبول کې د ترکيې په کوربه توب وشوې، د اسرائيل لومړي وزير يوهود المرت، د سوريې او اسرائيل د مخامخ خبرو غوښتنه وکړه، المرت په يوه اقتصادي کنفرانس کې چې د اسرائيل په جنوب کې وشو، پر دې ټينګار وکړ، چې مخامخ خبرې ډېرې مهمې دي

د ايران په دريځ کې نرمښت ليدل کېږي

2008-07-02 07:43:13

د ايران يوه روحاني مشر او سلاکار د چهارشنبې په ورځ وويل چې دغه هېواد کولاى شي د نړيوالو وروستى وړانديز ومني. نوموړى وايي دا وړانديز د اصولو له مخې د منلو وړ دى.د بهرنيو چارو پخوانى وزير علي اکبر ولايتي چې په نړيوالو چارو کې د ايت الله خامنه اى سلاکار دى، ويلي دي دا د ايران لپاره مناسبه ده چې د دغه وړانديز په برخه کې خبرې اترې پيل کړي، چې د جرمني په شمول د ملګرو ملتونو د امنيت شورا د دايمي غړو له خوا ورته شوى دى. په دې اړه (فانېنشل ټايمز) ورځپاڼې يو مطلب خپور کړى، چې لنډيز يې دلته لولئ

په افغانستان کې د خوړو کموالى او امنيتي مشکلات

2008-07-02 07:42:24

ملګرو ملتونو په افغانستان کې د خوراکي موادو د کمښت او امنيتي بحران په اړه اندېښنه ښوولې ده. د دې ادارې د بشري مرستو يوه تنظيموونکي د افغانستان لپاره د يوه نوي نړيوال پلان غوښتنه وکړه، هغه ويلي دي په دې هېواد کې بشري ستونزې تر حد زياتې شوې دي، چې لويه وجه يې د نرخونو لوړوالى، د امنيت خرابوالى او ملکي تلفات دي، په دې اړه واشنګټن ټايمز ورځپاڼې يوه ليکنه خپره کړې چې دلته يې لولئ

د امريکايي سرتېرو تلفات په سلو کې ٤٠ زيات شوي

2008-06-30 09:07:10

افغانستان هغه هېواد دى چې امريکايي ځواکونه په کې د خپلې کاميابۍ په اړه په ډاډ سره خبرې کوي، خو اوس يې وضعيت له عراق سره ورته والى لري، دې کار د امريکايي چارواکو اندېښنې زياتې کړي دي. دا مطلب وال سټريټ ژورنال ورځپاڼې خپور کړى، چې مهم ټکي يې دلته لولئ

د کوکنارو پر ځاى پټاټې

2008-06-30 09:05:58

د کوکنارو پر ځاى د کچالانو يا پټاټو د خرڅلاو له لارې د کافي پيسو ګټل کليوالو افغانانو ته په باميان ولايت کې اسانه شوي دي. هلته د يوه بهرني په مرسته د کچالانو د ساتلو څو زېرخانې جوړې شوې دي چې تر ډېره يې تازه ساتي، دا تجربه د ٦٨کلن رووي، له خوا شوې چې په امريکا کې د غنمو او نورو سبزيجاتو اته سوه نهه هکټاره کروندې لري، اسوشټېډ پرېس خبري اژانس په دې اړه راپور لري، چې مهم ټکي يې دلته لولئ

بشر حقوق: ښايي د سردار داود د مړي څېړنه علمي اړخ ونه لري

2008-06-30 09:04:49

په افغانستان کې د بشر حقوقو خپلواک کميسيون وياند انتقاد کوي چې د سردار محمد داود خان د مړي په پېژندلو کې به علمي او مسلکي معيارونه په پام کې نه وي نيول شوي، نوموړى وايي تر دې مخکې هم د ډله ييزو قبرونو په راايستلو کې منل شوي معيارونه نه وو مراعت شوي.

د امريکا نوي کانديدان په خپله مبارزه کې

2008-06-30 09:03:16

په امريکا کې جمهوري غوښتونکې جان مېکن او ډيموکرات بارک اوباما د امريکا د هسپانوي ژبو سيمې ته رسېدلي او هڅه کوي د جمهوري رياست د ټاکنو په وخت کې ډېرې رايې خپلې کړي، دوى د کډوالۍ پر اصلاحاتو خبرې سره کړي، اسوشټېډ پرېس خبري اژانس په دې اړه راپور لري چې لنډيز يې دلته رااخلو

بهرني ځواکونه ناکامه دي؟

2008-06-30 09:01:56

په افغانستان کې د هر کال په تېرېدو سره د وسلوالو طالبانو بريدونه زياتېږي، د وسلوالو طالبانو بريدونه د زياتېدو په حال کې دي، د جرمني خبري اژانس يا DPA په افغانستان کې د بهرنيو ځواکونو پر ماموريت او د وسلوالو طالبانو د بريدونو پر زياتوالي يو راپور خپور کړى چې دلته يې لولئ