په را تلونکي کي به نړۍ په (ايل اي ډي) سره روښانه وي

2009-01-04 02:00:04

الغت :په نړۍ کي د پيدا کيدونکي بريښنا يوه لويه برخه په کورونو ،دفترونو ، فابريکو ، لويو لارو او کلي کوڅو روښانولو باندي مصرفيږي . د وخت د تيريدو سره سم د بريښنا غوښتني هم ډيريږي چي له دې امله د بريښنا په نرخونو کي اضافه توب او ورسره د بريښنا لږښت هم منځ ته راځي . ساينس پوهان د څه مودې را هيسي د يو داسي ګروپ ( بلپ ) د جوړولو تکل کړى ، چي تر ټولو لږه بريښنا به مصرف کړي او تر ډيره وخته پوري روغ پاته سي ددې سره به د بريښنا مصرف هم را ټيټ سي او د لګښت کونکو په پاڼګه کي به هم کمي راسي .

څو لسيزي وړاندي ساينس پوهانو د ( ټيوب لايټس ) په نوم يو ګروپ وړاندي کړى وو چي د لږي بريښنا په استعمالولو سره يې ډيره روښنا يي کوله او هغه د عام ګروپ په پرتله ډيره موده کار کولو . نو له دې امله په داسي ادارو کي چي د زياتي روښنايي اړتيا وي نو په عامه توګه ( ټيوب لايټس ) کارول کيږي .ددې څه وروسته د انر جي سيور ( بريښناساتونکى ) دوره را غله او نن ګروړونه انرجي سيور ګروپونو نړۍ روښانه کړې ده . ليکن ساينس پوهان ددې نه هم ډير وړاندي ګوري ، او پر يوه نوې ډول اختراع يې خپلي تجريبې جاري ساتلي دي د هغوى په وينا چي په راتلونکو لسو کلونو کي به د انرجي سيور ځاى ( ايل اي ډي ) ته پاته سي .

ساينس پوهان د رڼا لپاره ( ايل اى ډي ) د يو ستر بدلون سره تعبيروي .د هغوې ويناده چي ( ايل اى ډي ) ګروپ د عامو ګروپو نو په پرتله ٢٠ برابره کمه بريښنا مصرفوي ياني ددې د بريښنا مصرف د انرجي سيور ګروپ پر وړاندي هم پنځه برابره کم دى ، هغه د عام ګروپ په پرتله سل برابره زياته موده روښنايي ورکوي . حال دا چي يو ( ايل اى ډي ) ګروپ څخه کولاى سو د ٢٠ څخه تر ٢٥ کلونو پوري روښنايي تر لاسه کړو او تر ټولو غوره دا ده چي دا ګروپ تودوخه نه توليدوي ددې په وجه په داسي ځايوکي د بريښنا ډير بچت کيږي په کوم ځاى کي چي ايئر کنډيشن استعماليږي . د ( ايل اي ډي ) يو بل خاصيت دا دى چي هيڅ ډول نقصانونکي شعاوي نه توليدوي لکه څنګه چي انرجي سيور يا ټيوب لايټس الټرا وائلټ شعاوي توليدوي چي ددې ډيره برخه د روغتيا لپاره د خطر سبب جوړيداى سي .

د ساينس ډيلي په يوه راپور کي د ماهرينو په حواله ويل سوي دي چي د بريښنا موجوده نظام په ( ايل اي ډي ) بدلولو سره به هر کال په عربونو ډالره بچت وسي .

د ريلنسلر پولي ټيکنک انسټي ټيوټ يو پورفيسر او د يونيور سټي اف نيشنل ساينس فاونډيشن سمارټ لايټنګ سينټر مشر فريډ شوبرټ د ( ايل اي ډي ) په اړه وايي (( د عامو ګروپونو په نسبت د ( ايل اي ډي ) څخه روښنايي په مختلف ډول تر لاسه کيږي )) هغه وايي ( ايل اي دي ) يو داسي ګروپ دى چي په هغه کي نيم اصلي توکي ځاى پر ځاى کيږي چي له دې امله تودوخه منځ ته نه راځي او بل دا چي تاسو کولاى سي د خپلي خوښي خاصه روښنايي تر لاسه کړى چي په بل ګروپ کي ناممکنه ده .

پر ( ايل اي ډي ) باندي کارکونکي يو بل ساينس پوه کم په وينا چي په نړۍ کي د ( ايل آي ډي ) د استعمال سره به په کال کي نژدې دوه کهربه ډالره بچت کيږي .داوخت ډيره بريښنا د تيلو ، طبعي ګازو ، او کوئلې څخه جوړيږي ، چي د دغو توکو د سوځيدو له امله کاربن ډآئي اکسائيډ او نور ډول ګازونه توليديږي . د ( ايل اي ډي ) د استعمال سره به د دغو ګازونو په توليد کي به په کال کي په پرله پکښېکي توګه ١١ زره ټنه کمي راسي ، په دې ډول سره د اومو تيلو د ٩٦ کروړه بيرلو څخه د زيات بچت ګنجايش سته .د ( ايل اي ډي ) په اړه ددې ټولو امکاناتو سره سره شوبرټ او کم وايي چي دا به يوازي د عامو قنديلانو بدلون نه وي بلکه ددې په مرسته به د چټلتيا په لوى پيمانې سره مخه و نيول سي او په توانايي او مالي وسايلو کي به هم بچت وسي

د ( ايل اي ډي ) د ټکنالوجي د استعمال سره به د ژونديو نسلونو تيزه پيژندګلوي ، پر لويو لارو په تګ او را تګ کي ډيره اساني ، د نباتاتو د خوندي ساتلو په برخه کي اضافه توب او د انسانانو لپاره پر خوب راوړونکيو ګوليو باندي تکيه يا د يو خاص ډول کينسر د خطر په کمولو کي مرسته اخستل کيدا ى سي .

دا مهال د ژوند په بيلابيلو شعبو کي ( ايل اي دي ) کارول کيږي . د نوو موټرونو هيډ لايټس ، د کورونو د روښنايي او د نباتاتو د سانتي به برخه کي تر عامو ګرپونو زيات استعماليږي