--------------

غزل

د خپل سفر تر انتها پوري راورسېدم

مخ ته به چرته ځم تر تا پوري راورسېدم

ستا له اوربله مي نظر د زني خال ته راغى

زه د بلا نه تر بلا پوري راورسېدم

زما پښتون غرور به نور څومره په خاورو لړې

ستا په يارۍ كي تر ژړا پوري راورسېدم

نه دي د تور اوربل په توره تاريكه كي ورك شوم

نه دي د سپين مخ تر رڼا پوري راورسېدم

دا چي رقيب ته مخامخ شومه نو دا هم ښه شوه

دروېشه پاى خو تر يو چا پوري راورسېدم

---------------from lekwal.com